Qeveria e Kosovës përplaset me kandidatin e BDI për president, reagime në Shkup

Qeveria e Kosovës ka sulmuar hapur kandidatin e BDI për president në Maqedoninë e Veriut, ministrin e jashteëm Bujar Osmani.

Zedhenesi i qeverisë, Përparim Kryeziu ka akuzuar Osmanin se e sheh Kosovën me sytë e ndërmjetësve ndërkombëtarë.

“Dje e kuptuam që plani 9 pikësh i OSBE-së, qenka hartuar nga vetë z. Bujar Osmani. Një rast tjetër kur shqiptarët e shohin Kosovën me sytë e ndërmjetësve ndërkombëtarë. Në fund, ky plan, nuk u bë plan i qeverisë. Deeskalimi ndodhi. Pa e dëmtuar sovranitetin e pa rrezikuar sigurinë”, shkruan Kryeziu.

Pas zëdhënësit të qeverisë ka reaguar edhe kandidati për president i Maqedonisë i mbështur nga Vetvendosje Arben Taravari i cii e quan Osmanin argat të Serbisë.

“Na vjen të gjithëve vështirë, kur një politikan shqiptar nga Maqedonia e Veriut, siç është Bujar Osmani, mban qëndrime të tilla antikombëtare në rastin e Kosovës”, shkroi ai.

I menjehëreshëm ka qenë dhe reagimi i Bujar Osmanit.

“Po ta dinte Arben Taravari se si është sintetizuar, përgatitur dhe miraturar plani nëntëpikësh i Kryesuesit të OSBE-së për deeskalim në veri dhe rolin e këtij plani për të parandaluar zgjidhje teritoriale për çështjet etnike në Kosovë, do mendonte dy herë para se të involvohet në lojra elektorale që nuk i njeh dhe që mund ta dëmtojnë shumë interesin e Kosovës! Kosova është çliruar me rezistencë dhe përpjekje të koordinuara. Dhe, liria dhe pavarësia e Kosovës mund të mbrohet vetëm me veprime të koordinuara”, ka shkruar Osmani.

LEXONI GJITHASHTU:

• Bujar Osmani, kandidat për president të Maqedonisë së Veriut
• Bujar Osmani: Ambiciet imperialiste të Rusisë mund të shtrihen në Ballkan