F1 | Lajmi i fundit

Formula 1 “nuk ka” pilotë për vitet 2025-2026

9 Prill 2024 | 16:55

2025 dhe më tej 2026 janë vite të rëndësishme për karrierën e pilotëve në F1. Vecanërisht për ata që nuk kanë një kontratë të vlefshme në përfundim të këtij sezoni. Sainz, Perez por edhe Verstappen janë në listën e dëshirave të konstruktorëve dhe jo vetëm.

Spanjolli që humbi vendin te Ferrari për Hamilton ka të paktën 4 opsione për të vazhduar karrierën. Duke filluar pikërisht nga Mercedes, ku mund të marrë vendin e 7 herë kampionit britanik. Audi do ta donte për vitin 2026. Por edhe Red Bull me Aston Martin kanë nevojë për një pilot në sezonin e ri.

Perez nuk e ka rinovuar ende kontratën me austriakët. Ndërsa Alonso mund të krijojë një boshllëk të papritur në skuderinë e gjelbër me seli në Silverstone. Nga Red Bull konfirmojnë se nuk do të bien viktimë e presionit të rivalëve që duan të rrëmbejnë Verstappen dhe të sistemojnë Perez.