“Po turpëroni veten”- Cramon thirrje Serbisë: Hapni kufirin për qytetarët e Kosovës

Raportuesja për Kosovën në Parlamentin Evropian, Viola von Cramon, ka reaguar në lidhje me bllokimin e autobusëve nga Serbia në kufirin me Kroacinë.

Me anë të një postimi në rrjetin social “X”, Von Cramon shkruan se Serbia duhet të lejojë menjëherë kalimin e qytetarëve që kanë pasaportën e Kosovës.

“Serbia duhet të ndalojë së turpëruari veten dhe t’i lërë qytetarët që posedojnë pasaportën e Kosovës të kalojnë menjëherë kufirin! Duhet të sigurohet liria e lëvizjes së të gjithëve, pa diskriminim në bazë të kombësisë”, ka shkruar Cramon.

Kujtojmë se qindra qytetarë të Kosovës janë bllokuar në pikat doganore të Serbisë, në Kroaci dhe Hungari. Autoritet serbe u kanë bllokuar dokumentet pa arsye. Ministria e Brendshme e Kosovës u ka bërë thirrje qytetarëve të saj që të shmangin kalim përmes territorit të Serbisë.

LEXONI GJITHASHTU: 

• “Kosova në KiE, Serbia hakmerret”/ Kurti: Po mban 300 vetë në kufi
• BE për ndalimin e autobusëve: Serbia ka shkelur marrëveshjen për lëvizjen e lirë