Ngriti flamurin shqiptar në 28 Nëntor, gjobitet kreu i Komunës së Preshevës

Kreu i Komunës së Preshevës Shqiprim Arifi është gjobitura nga gjykata serbe pasi ngriti flamurin shqiptar në selinë e Alternativës për Ndryshim — dega Bujanoc, me rastin e festës së 28 Nëntorit, Ditës së Flamurit.

Përmes një statusi në faqen e vet në Facebook Arifi shprehet se ky vendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve në Luginën e Preshevës.

“Deri kur?

55.000 dinarë dënim për vendosjen e Flamurit Kombëtar Shqiptar.

Sot kam pranuar dënimin prej 55.000 dinarë nga Gjykata për Kundërvajtje në Vranjë lidhur me vendosjen e flamurit kombëtar në selinë e Alternativës për Ndryshim — dega Bujanoc, me rastin e festës së 28 nëntorit, ditës së Flamurit.

Gjykata në fjalë ka nxjerrë AKTVENDIM lidhur me vendosjen e flamurit kombëtar shqiptar në selinë e partisë tonë në Bujanoc, me ç’rast ky dënim përbëhet prej 5000 dinarëve ndaj mua si person përgjegjës në pozitën e kryetarit të partisë “Alternativa për Ndryshim”, ndërkaq 50.000 dinarë për subjektin politik që kam drejtuar deri në shkurt të këtij viti, kur është datuar edhe ky aktvendim.

Ky aktvendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve në Luginën e Preshevës.

Derisa përgatitjet e Qeverisë së Republikës së Kosovës janë në fazën finale për themelimin e ashtuquajturës “Asociacioni i komunave me shumicë serbe — Zajednica” me kompetenca të plota ekzekutive, shqiptarëve në Luginën e Preshevës i mohohen të drejtat elementare njerëzore siç është vendosja flamurit kombëtar.

Hapat e regresit të drejtave e minoritetit shqiptar në Serbi kanë një funksion divergjence me të drejtat e minoriteve serbe në Republikën e Kosovës.

Sa më shumë të drejta për serbet në Kosovë aq më pak të drejta për shqiptarët në Serbi. Deri kur?” shprehet Arifi.

LEXONI GJITHASHTU: 

• Hasani takohet në Hagë me komisionerin e lartë, ankesa për shqiptarët në Preshevë
• Tragjedi pranë Preshevës, shqiptari nga Tetova plagos rëndë gruan pastaj vret veten