Britania e Madhe reagon për protestën para Bashkisë: Molotovi s’ka vend në demokraci

Ambasada e Mbretërisë së Bashkuar ka reaguar lidhur me protestën e organizuar sot nga Rithemelimi dhe Partia e Lirisë para Bashkisë Tiranë.

përmes një postimi në platformën X, ambasada britanike shprehet se “përdorimi i koktejve molotov nuk kanë vend në demokraci dhe bën thirrje që të gjitha mosmarrëveshjet dhe konfliktet të kryhen përmes proceseve demokratike”.

“Skenat jashtë Bashkisë së Tiranës sot dhe përdorimi i koktejve molotov nuk kanë vend në demokraci. Ambasada britanike dënon përdorimin e dhunës dhe aktet e frikësimit. Mbretëria e Bashkuar vazhdon të kërkojë që të gjitha mosmarrëveshjet dhe konfliktet të kryhen përmes proceseve demokratike, pa dhunë dhe se duhet respektuar sundimi i ligjit”, thuhet në reagim.

Aktet e dhunës gjatë protestës i ka dënuar dhe prezenca e OSBE-së në Tiranë.

“Prezenca e OSBE-së në Shqipëri dënon aktet e dhunës gjatë protestës së sotme përpara Bashkisë së Tiranës. Protesta paqësore është akt demokratik legjitim, dhuna jo”, njofton OSBE.

Më herë reaguan ambasada e SHBA dhe Delegacioni i BE që dënuan dhunën e përdorur në këtë protestë.

LEXONI GJITHASHTU:

• Protesta e Rithemelimit dhe PL para Bashkisë Tiranë, reagon SHBA dhe BE
• Vazhdojnë protestat në Gjeorgji, ndërkombëtarët kundër ligjit të stilit rus