Punonjësi i bashkisë ra nga vinçi dhe humbi jetën, shpallet në kërkim drejtori i tij

Një ngjarje e rëndë u shënua ditën e djeshme në 56-vjeçar E.B, punonjës i bashkisë u rrëzua nga vinçi ndërsa punonte për riparimin e llambave elektrike në shtyllat e ndriçimit, në lagjen “5 Maji”.

Ai u shoqërua menjëherë në spital, por nuk arriti të mbijetonte. Lidhur me ngjarjen, policia ka njoftuar se ka nisur procedimi në gjendje të lirë për drejtorin e Administratës dhe Shërbimeve Mbështetëse  në Agjencinë e Shërbimeve Publike dhe Urbane, Elbasan.

Procedimi i tij është bërë për “Shkelje e rregullave të mbrojtjes në punë”.

Materialet i kaluan Prokurorisë për veprën penale “Shkelja e rregullave të mbrojtjes në punë”, ndërkohë vijon puna për kapjen e shtetasit të shpallur në kërkim.2 ditë.

Njoftimi i policisë:

Në vijim të njoftimit të djeshëm, bëjmë me dije se, Komisariati i Policisë Elbasan referoi materialet në Prokurori, ku nisi procedimi në gjendje të lirë për shtetasin S. Ç., 55 vjeç, banues në Elbasan, me detyrë Drejtor në Drejtorinë e Administratës dhe Shërbimeve Mbështetëse  në Agjencinë e Shërbimeve Publike dhe Urbane, Elbasan.

Në vijim të veprimeve hetimore u shpall në kërkim shtetasi M. Q., 54 vjeç, banues në Elbasan, me detyrë përgjegjësi i Sektorit të ndriçimit pranë Drejtorisë së shërbimeve Publike në A.Sh.P.U, Bashkia Elbasan.

Ditën e djeshme, shtetasi E. B., 56 vjeç, punonjës i Bashkisë, i punësuar në këtë sektor, u rrëzua nga vinçi, gjatë punës për riparimin e llambave elektrike në shtyllat e ndriçimit, në lagjen “5 Maji” dhe si pasojë e dëmtimeve humbi jetën në spital.

LEXONI GJITHASHTU:

• Ra nga vinçi ndërsa punonte, punonjësi i Bashkisë Elbasan humb jetën në spital
• U rrëzua nga shtylla ndërsa po punonte, elektriçisti humb jetën në spital