I vuri flakën vetes jashtë Gjykatës ku mbahej seanca për Trump, vdes 37-vjeçari

Një burrë që i vuri flakën vetes jashtë Gjykatës në Manhattan, ku po mbahet gjyqi i ish-presidentit Donald Trump, ka vdekur.

Sipas mediave të huaja, Maxwell Azzarello, 37 vjeç, e lau veten me benzinë përpara se të hidhte në ajër broshurat e teorisë së konspiracionit.

Kjo ndodhi kur përfundoi përzgjedhja e jurisë për gjyqin e Trump. Ai u dërgua në spital të premten në gjendje kritike, ku më vonë vdiq, konfirmoi CBS News – partneri i BBC-së në SHBA.

Trump ishte në ndërtesë për të marrë pjesë në përzgjedhjen e jurisë, por ish-presidenti u largua gjatë incidentit.

Policia e qytetit të Nju Jorkut tha herët të shtunën se zoti Azzarello u deklarua i vdekur nga stafi i spitalit, raportoi NBC.

Siguria e gjykatës nuk ishte shkelur në incidentin e së premtes, thanë zyrtarët e emergjencës. Çështja, e cila sapo kishte përfunduar përzgjedhjen alternative të jurisë, rifilloi më vonë pasdite.

LEXONI GJITHASHTU:

• Melania Trump: SHBA duhet të bashkohen, ne duhet të ushqejmë farat e lirisë
• Nju Jork, një person i vë zjarrin vetes para gjykatës ku mbahet gjyqi ndaj Trump