Gazetarja: Ka këngëtare, mise apo modele nga Shqipëria si eskorta në Dubai

Gazeta zvicerane në gjuhën shqipe LeCanton27 ka bërë një investigim për Dubain, si është të jetosh atje dhe kontradiktat.

Me një popullsi prej 3 mln banorësh, mësohet se në Dubai ndodhen 50 mijë punonjëse të seksit. Në vitin 2006, Emiratet e Bashkuara Arabe dëbuan 4300 prostituta të huaja. Besohet se aty janë edhe 500 vajza nga Shqipëria të cilat punojnë si eskorta.

Gazetarja Aida Topalli tha në emisionin GoodMorning Albanians në Euronews Albania se në Dubai ka këngëtare apo personazhe të showbizit shqiptar që punojnë si eskorta.

“Një eskortë luksi është një personazh VIP mund të jetë mis, këngëtare dhe tarifa që i paguhet është shumë herë më e lartë se tarifat e vendosura nëpër faqe. Kemi dëgjuar edhe shifra 100 mijë euro për 3 ditë shoqërimi në Dubai”, tha Topalli.

Eksperti Fatjon Softa tregoi se këto eskorta luksi nuk janë rezidente, por porositen me ditë të caktuara.

Sipas tij, pas COVID Dubai është kthyer në një destibnacion për shërbimet e seksit.

LEXONI GJITHASHTU:

• Investigimi: 500 vajza shqiptare punojnë si eskorta në Dubai me dëshirë…
• Kaosi në aeroportin e Dubait pas përmbytjeve, reagon presidenti i ‘Emirates Airline’