Andrew Tate dhe vëllai Tristan do të gjykohen në Rumani për përdhunim dhe trafiqe
Gjyqi i influencerit kontrovers Andrew Tate dhe vëllait të tij Tristan do të vazhdojë, thotë një gjykatë në Rumani.
Sipas mediave të huaja, nuk është caktuar një datë nga gjykata që ka shqyrtuar provat e prokurorëve dhe dyshja kanë apeluar.
Andrew Tate, 37 vjeç dhe Tristan, 35 vjeç, u arrestuan dhjetorin e kaluar mbi akuzat për përdhunim, trafikim të qenieve njerëzore dhe formim të një bande kriminale, akuza që ata i mohojnë.
Personalitetet e internetit kërkohen gjithashtu në Mbretërinë e Bashkuar për sulme seksuale që dyshohet se janë kryer atje.
Vëllezërit Tate, të cilët janë shtetas të MB-SHBA, akuzohen për shfrytëzimin e grave nëpërmjet një biznesi të përmbajtjes për të rritur, të cilin prokurorët pretendojnë se vepronte si një grup kriminal.
Dy bashkëpunëtore rumune u përmendën gjithashtu së bashku me vëllezërit në një padi të botuar në qershor të vitit të kaluar dhe u identifikuan shtatë viktima të supozuara.
Andrew Tate më parë ishte ndaluar nga platformat e mediave sociale për shprehjen e pikëpamjeve mizogjene.
Ai ka thënë vazhdimisht se prokurorët rumunë nuk kanë prova kundër tij dhe se ka një komplot për t’i mbyllur gojën.
Çështja ishte diskutuar me muaj në një proces para një gjykate paraprake ku të akuzuarit mund të kundërshtonin provat e prokurorëve.
Të premten, gjykata në Bukuresht tha se çështja plotësonte kriteret ligjore dhe do të vazhdonte.
Këshilltari kryesor i vëllezërve, Eugen Vidineac, tha se vendimit “i mungon baza ligjore dhe arsyetimi”.
“Ne kemi paraqitur një ankesë të fortë në Apel pasi besojmë se vendimi është i paligjshëm.”
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West