Plagosi me mjet prerës një person gjatë konfliktit, arrestohet 32-vjeçari

Një 32-vjeçar është arrestuar në Tiranë pasi gjatë një konflikti për motive të dobëta ka plagosur me mjet prerës një 34 vjeçar.

Ky i fundit është shoqëruar menjëherë për në spital dhe ndodhet jashtë rrezikut për jetën.

I arrestuari i cili është banues në Tiranë, akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Njoftimi i policisë:

Plagosi me mjet prerës, një shtetas, gjatë një konflikti për motive të dobëta me të, kapet dhe vihet në pranga 32-vjeçari.

Shërbimet e Komisariatit të Policisë Nr. 6, pas marrjes së njoftimit se në rrugën “Kadri Roshi”, kishte ndodhur një konflikt gjatë të cilit ishte dëmtuar me mjet prerës një shtetas, kanë organizuar menjëherë punën për kapjen e autorit dhe vënien e tij përpara përgjegjësisë ligjore.

Si rezultat, u kap dhe u arrestua shtetasi E. L., 32 vjeç, banues në Tiranë, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Nga veprimet hetimore dyshohet se 32-vjeçari, mbrëmjen e djeshme, gjatë një konflikti për motive të dobëta, ka plagosur me mjet prerës shtetasin V. B., 34 vjeç, banues në Tiranë, i cili ndodhet në spital, jashtë rrezikut për jetën.

LEXONI GJITHASHTU:

• Stoltenberg në Kiev: Nuk e kemi përmbushur premtimin, armët do të vijnë
• Seancë në KS për Bosnjën, Vuçiç për Srebrenicën: Në fund, ne do humbasim