Rebelët Huthi sulmojnë një anije me kontejnerë në Oqeanin Indian

Rebelët Huthi të Jemenit thanë se sulmuan me një dron anijen transportuese MSC Orion në Oqeanin Indian, si pjesë e fushatës së tyre kundër anijeve ndërkombëtare, në mbështetje të palestinezëve dhe kundër veprimeve ushtarake izraelite në Gazë.

Anija me flamur portugez po lundronte midis porteve të Sines, Portugali dhe Salalah, Oman. Pronari i regjistruar është Zodiac Maritime, sipas të dhënave të Grupit të Bursës së Londrës (LSEG).

Zodiac është pjesërisht në pronësi të biznesmenit izraelit Eyal Ofer. Kompania nuk iu përgjigj menjëherë kërkesës për koment.

Rebelët Huthi – të lidhur me Iranin – kanë nisur që nga nëntori një seri sulmesh me dronë dhe raketa në Detin e Kuq, ngushticën Bab al-Mandab dhe Gjirin e Adenit, duke i detyruar transportuesit të devijojnë ngarkesat në udhëtime më të gjata dhe më të shtrenjta rreth Afrikës Jugore dhe duke rritur frikën se lufta midis Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – mund të përhapet dhe të destabilizojë Lindjen e Mesme.

LEXONI GJITHASHTU:

• Rebelët e Huthit sulmojnë me raketë luftanijen amerikane në Gjirin e Adenit
• Rebelët Huthi gjuajnë raketë drejt një luftanijeje amerikane në Detin e Kuq