“Të forcojmë KFOR në Kosovë”- Cameron: Kam kontaktuar më sekretarin e NATO-s

Sekretari i Jashtëm britanik, David Cameron, ka kërkuar nga Aleanca e Atlantikut Verior që të ketë më shumë prani forcash në misionin e KFOR në Kosovës.

Në një raportim në dhomën e Lordëve në Parlamentitn Britanik, i pyetur për situatën në Ballka, Sekretari i Jashtëm deklaroi se pas vizitës në Kosovës, ka kontaktuar sekretarin e Përgjithshëm të NATO-s, Jens Stoltenberg dhe i ka kërkuar atij që bëhet më shumë.

Kreu i diplomacisë britanike u shpreh se KFOR-i duhet të jetë më i fortë dhe më i guximshëm.

Misioni i KFOR në Kosovë është kthyer në qendër të vëmendjes pas rritjes së tensioneve në veri të Kosovës dhe sulmit të armatosur në Banjskë.

Qeveria e Kosovës ka ngritur shpesh herë alarmin për skenarë dhunë dhe provokimi ushtarak nga ana e Serbisë. Shumica e vendeve perëndimore kanë kërkuar angazhim më të madh të misionit ushtarak për të shmangur incidentet mes Serbisë dhe Kosovës. 28 shtete anëtare të NATO-s marrin pjesë që prej vitit 1999 në Misionin e KFOR në Kosovës. Llogaritet se misioni ka rreth 4400 personel civil dhe ushtarak.