U përplas nga makina në Durrës, humb jetën 50-vjeçari

Një person ka humbur jetën në një aksident të ndodhur pasditen e së premtes në Durrës.

Ngjarja ndodhi në rrugën ‘Vëllazërimi’ të qytetit bregdetar, ku një automjet përplasi 2 persona, njëri me biçikletë dhe tjetri me motor të cilët mbetën të plagosur rëndë.

Për shkak të plagëve të marra ka ndërruar jetë në spital shtetasi F. Gj, rreth 50 vjeç i cili udhëtonte me biçikletë, ndërsa shtetasi Sh. S i cili udhëtonte me motor ndodhet në gjendje të rëndë për jetën.

Pas aksidentit, drejtuesi i automjetit, shtetasi L. Z, është larguar nga vendi i ngjarjes dhe është shpallur në kërkim nga policia.

LEXONI GJITHASHTU:

• Aksident i rëndë në Durrës, makina me shpejtësi përplas dy persona
• Aksidentohet autobusi në autostradën Durrës-Tiranë, plagoset një pasagjer