Stano: Ambasadori i BE dhe i SHBA nuk do të marrë pjesë në inaugurimin e Putinit 

7 Maj 2024 | 07:40

Ambasadorët e Bashkimit Evropian dhe të Shteteve të Bashkuara të Amerikës në Moskë nuk do të marrin pjesë në ceremoninë e inaugurimit të presidentit rus Vladimir Putin.

Zëdhënësi i BE-së Peter Stano tha se vendimi është në përputhje me qëndrimin e shumicës së vendeve anëtare të bllokut.

“Ambasadori ynë nuk do të marrë pjesë, shumica e vendeve anëtare nuk do të marrin pjesë,” tha Stano, sipas Reuters.

Zëdhënësi i Departamentit të Shtetit, Matthew Miller, tha se ambasadori amerikan në Moskë nuk do të marrë pjesë në inaugurimin e presidentit rus.

Më herët sot, Reuters raportoi se ambasadori francez në Rusi do të marrë pjesë në inaugurim, ndryshe nga Gjermania, e cila nuk do të dërgojë një përfaqësues.

Një burim i paidentifikuar i tha agjencisë se Parisi kishte dënuar më parë “kontekstin e represionit në të cilin u mbajtën zgjedhjet, duke privuar votuesit nga një zgjedhje reale”, si dhe organizimin e zgjedhjeve në territoret ukrainase “të pushtuara” nga Rusia, të cilën Franca konsideron shkelje të së drejtës ndërkombëtare dhe të kartës së Kombeve të Bashkuara.

Gjermania ka njoftuar se nuk do të dërgojë përfaqësuesin e saj në inaugurimin e Putinit.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona

Katër persona humbën jetën të enjten pas një aksidenti të një aeroplani të vogël pranë qytetit Medulin në Istria, në bregdetin e Kroacisë. “Sipas informacionit që...
14:50 | 04/06/2026

11 raste në një javë, disa avionë rusë janë interceptuar në Baltik

Avionët luftarakë francezë u ngritën 11 herë gjatë javës së kaluar si pjesë e Misionit të Patrullimit Ajror Baltik të NATO-s, tha të enjten zëdhënësi...
14:27 | 04/06/2026

11 vende evropiane kërkojnë rregulla më të ashpra të vizave nga BE për qytetarët rusë

Njëmbëdhjetë shtete anëtare të BE-së i kanë kërkuar Komisionit Evropian të vendosë kufizime më të rrepta dhe detyruese për vizat Shengen për qytetarët rusë, duke...
14:22 | 04/06/2026