57 vite nga vdekja e Mitrush Kutelit, shkrimtari përkujtohet me aktivitete

Si sot, 57 vite më parë u nda nga jeta themeluesi i prozës shqiptare Mitrush Kuteli. I cilësuar si një erudit, ai la pas një trashëgimi të pasur letrare me vepra të papërsëritshme. “Tregimet e moçme shqiptare”, vepra më përfaqësuese e tij  do të ribotohet së shpejti.

“I shkruan zemra, i shkruan kultura dhe dashuria e madhe. Përpunimi i tregimeve të zgjedhura janë bërë në një dhomë e kuzhinë. Duam të ribotojmë siç e kërkon dhe lexuesi përkthimet 100 përralla”,-tha djali i shkrimtarit, Pandeli Pasko.

Ndërsa Alda Bardhyli e cilësohen Kutelin si një rrëfimtar të shkëlqyer.

“Një rrëfimtar i shkëlqyer i cili e ka pasuruar gjuhën shqipe dhe ka rrëmuar dhe ka sjellë aq bukur gjithë atë pasuri të madhe të kulturës sonë. Mendoj se është shumë bukur të ndalemi te vlerat tona që vijnë përmes letërsisë”,-tha Alda Bardhyli, QKLL.

“E madhe është Gjëma e Mëkatit”, për lexuesit që e njohin mirë letërsinë e tij e cilësojnë si majën e krijimtarisë së tij letrare. Emri i tij është gdhendur si prozator i parë  së bashku me Ernest Koliqin. Ndërkohë që përveç njeri i penës, ai ishte edhe një ekspert ekonomie me emrin e tij të vërtet Dhimitër Pasko.

LEXONI GJITHASHTU:

• Zbulohet mozaiku i rrallë në Durrës, pjesë e pishinës së vilës antike
• Urdhër arrest për shkrimtarin rus, Moska akuzon Boris Akunin për ‘terrorizëm’