U arrestua kur vodhi monopatinën, 30-vjeçari autor i 11 vjedhjeve

Një 30-vjeçar (F.D.) është kapur në flagrancë nga policia, pasi vodhi një monopatinë në rrugën “Perlat Rexhepi” në Tiranë.

Gjatë kontrollit fizik atij ju gjet edhe një sasi lënde narkotike kokainë. Nga hetimet e kryera dyshohet se ky shtetas është autor i 11 vjedhjeve të monopatinave, të kryera gjatë periudhës mars-maj 2024.

Njoftimi i policisë

Gjatë operacionit u arrestua shtetasi F. D. (B.)., 30 vjeç, dhe u proceduan në gjendje të lirë shtetasit A. K., 20 vjeç, dhe J. F., 19 vjeç, të tre banues në Tiranë.

Shtetasi F. D., është kapur në flagrancë duke vjedhur një monopatinë, në rrugën “Perlat Rexhepi”, dhe gjatë kontrollit fizik shërbimet e Policisë, i gjetën dhe sekuestruan sasi lënde narkotike kokainë. Nga hetimet e kryera dyshohet se ky shtetas është autor i 11 vjedhjeve të monopatinave, të kryera gjatë periudhës mars-maj 2024, ndërsa shtetasit A. K., dhe J. F., kanë përvetësuar monopatinat e vjedhura.

Në vijim të veprimeve, gjatë kontrollit të banesës së shtetasit F. D., shërbimet e Policisë gjetën dhe sekuestruan, në cilësinë e provës materiale, dy monopatina të dyshuara të vjedhura.

LEXONI GJITHASHTU:

• Dyshohet se hodhi 5 shishe molotov para Bashkisë së Tiranës, në kërkim një person
• Me armë zjarri dhe lëndë narkotike, arrestohet 18-vjeçari në Tiranë