Alibeaj: Rama e do votën e emigrantëve për ta grabitur, Shqipëria 1 zonë zgjedhore

Nënkryetari i Partisë Demokratike tha në një prononcim për mediat para kuvendi se shteti i ka të gjitha mundësitë që t’u sigurojë të drejtën e votës përmes votimit elektronik diasporës shqiptare në vendet ku jetojnë.

Sipas tij Shqipëria duhet të kthehet në 1 zonë zgjedhore dhe kështu vota e diasporës do të jetë e barasvlefshme me atë të shqiptarëve që jetojnë në vendin tonë.

“Shteti shqiptar i ka mundësitë që përmes votimit elektronik atje ku janë, emigrantët të kenë mundësinë të votojnë. Vota e shqiptarëve jashtë Shqipërisë të llogaritet në atë që quhet një zonë zgjedhore, që është e gjithë Shqipëria. Rama kërkon që vota e diasporës të depozitohet sipas qarqeve, që nëse i duhen në Durrës ca vota shkon i gjen në Itali, ky është kurth i përgatitur nga mazhoranca, ndaj kemi kërkuar që Shqipëria të jetë një zonë zgjedhore, që vota e tyre të peshojë njësoj”, tha Alibeaj.

LEXONI GJITHASHTU:

• Vota e diasporës, PD kallëzon në SPAK Lindita Nikollën
• Dilemat për votën e diasporës, grupi i dialogut diskuton variantet e mundshme