Megaoperacioni i SPAK, Dervishi: U godit selia kryesore e krimit, ndodhej në Shijak
Temë e emisionit Review në Euronews Albania këtë të shtunë ishte operacioni i ndërmarrë nga SPAK, ku u goditën 7 nga grupe më të fuqishme kriminale në Shqipëri dhe ku u sekuestruan disa milionë euro para të thata, por dhe pasuri të tjera.
I ftuar në emision, gazetari i kronikës Ferdinand Dervishi, e cilësoi operacionin e SPAK si një goditje ndaj “kryeministrisë së krimit” në Shqipëri.
Dervishi tha se operacioni ishte shumë i mirë për sa i përket stekës së ngritur.
Ai nënvizoi se SPAK-u ka shkuar në majë të Piramidës, pasi u godit selia kryesore e krimit në Shqipëri, e cila ishte e vendosur në Shijak dhe ku u sekuestruan milionat e eurove.
“Është operacioni më i mirë, jo sa i përket rezultatit, por stekës së ngritur, Në Shqipëri unë si gazetar e kam ndarë pushtetin në dy, kemi kryeministra politik dhe kryeministra krimi. Pra kohë pas kohe në Shqipëri janë shfaqur dhe kryeministrat e krimit, të fortët e krimit. Dikur prej tyre e ka pasur kryeministrinë te Liqeni Artificial, tek pylli, dikush e ka patur në burg selinë dhe dikush te ETC-ja, sipas fuqizimit dhe rënies të njërit apo tjetrit, përfundimit të një epoke.
Aktualisht selia e krimit ishte ajo godina në Shijak që gjeti policia 5 milionë euro. Pra që vajti SPAK-u. Është goditur kryeministria e krimit, SPAK-u ka shkuar në majë të piramidës. Kur askush nuk e priste, kur dëgjonim llafe që ata marrin njerëz nga rruga dhe i emërojnë në krye të komisariateve, nga ajo kryeministri vinin. U godit kryeministria e krimit, këtë faktori politik nuk do ta pranojë pasi nuk është me SPAK-un është kundër SPAK-ut”, tha Dervishi.
LEXONI GJITHASHTU:
Strazimiri përplaset me Lëvizjen Bashkë për protestën: 70% e qytetarëve ishin demokratë
Mes tensionesh dhe sharjesh transportohet drejt Traumës autori i vrasjes së policit në Maliq (VIDEO)
Pëllumb Gjoka flet për herë të parë për akuzat në “Metamorfoza”: Po gjykohem mbi thashetheme
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë
- 11:49 Mes tensionesh dhe sharjesh transportohet drejt Traumës autori i vrasjes së policit në Maliq (VIDEO)
- 11:38 Pëllumb Gjoka flet për herë të parë për akuzat në “Metamorfoza”: Po gjykohem mbi thashetheme
- 11:36 Balla-Berishës: Kemi ne antimitig, ne kemi një ditëlindje, projekti i Zvërnecit do të bëhet
- 11:30 Detaje nga vrasja e efektivit në Maliq, autori gjakftohtë, nuk shfaqi asnjë pendesë pas arrestimit
- 11:22 Efektivi tek Trauma, niset dhe autori me ambulancë, si paraqitet gjendja e dy të plagosurve