EMRAT| Dhunuan me leva avokatin Sokol Mëngjesi, identifikohen 4 autorët

Janë identifikuar 4 autorët e sulmit me leva ndaj avokatit Sokol Mëngjesi ditën e sotme në zonën e ish-Bllokut në Tiranë.

Sipas policisë së Tiranës janë Romario Tabaku, Elton Kasaj, Drivald Alia dhe Dorian Alia.

Këta persona dyshohet se dhunuan pedagogun e drejtësisë dhe avokatin e ish-kryeministri Sali Berisha, Sokol Mëngjesin paraditen e kësaj të mërkure në Tiranë. Avokati u godit me sende të forta në mes të ish-bllokut.

Ngjarja e rëndë u regjistrua rreth orës 08:50 minuta në rrugën “Pjetër Bogdani”, në ish-Bllok.

Gjendja shëndetësore e avokatit është përkeqësuar pasditen e së mërkurës për shkak të hematomave në kokë dhe ai është futur në intubim.

LEXONI GJITHASHTU:

• Dhunuan brutalisht avokatin Sokol Mëngjesi, del fotoja e 2 agresorëve
• Universiteti i Tiranës dënon ashpër dhunën ndaj avokatit Mëngjesi: Të gjendet motivi