Lamtumirë Skënder Rusi, mbahen homazhe për poetin e njohur në Korçë

Korça i jep lamtumirën poetit të njohur Skënder Rusi, i ndarë nga jeta në moshën 72 vjeçare.

Në homazhet e mbajtura në hollin e teatrit “Andon Zako Çajupi” në Korçë nuk kanë munguar miq e shok të poetit, krijues, politikanë, qytetarë dhe dashamirës të penës së Skënder Rusit, poetin që e lexuan me dashuri.

Ministri i Mbrojtjes Niko Peleshi në ditën e lamtumirës së poetit është shprehur se dikur kanë qenë pjesë e një grupi miqsh të cilët takoheshin shpesh në zyrën e Skënder Rusit, kur recitonin poezitë e fundit të krijuara prej tij.

Entela Kasi, organizatore e netëve të poezisë korçare e ka patur të vështirë të thotë shumëçka për mikun e saj, ndërsa miku i poetit Vangjush Mile është ndalur gjatë tek madhështia e poezive të Skënderit, në veçanti tek ajo; “Korçës, një fjalë dashurie”.

Skënder Rusi është autori i 26 librave me poezi por edhe shumë botimeve në shtypin periodik të kohës.

LEXONI GJITHASHTU:

• Ndahet nga jeta në moshën 72 vjeçare poeti i njohur Skënder Rusi
• Poeti lirik Skënder Rusi vlerësohet me titullin “Qytetar Nderi” i Korçës