“Kemi 320 kandidatë të identifikuar”, Alibeaj: Ja kur do ta kemi gati listën zyrtare

Nënkryetari i Partisë Demokratike Enkelejd Alibeaj tha në një intervistë për Euronews Albania se PD ka aktualisht 320 kandidatë të identifikuar të cilët do të përzgjidhen për zgjedhjet e 2025.

Ai u shpreh se nuk mund të japë një datë konkrete të listës përfundimtare të kandidatëve për deputetë të PD, pasi identifikimi i tyre do ecë paralelisht me programin e prezantuar një ditë më parë.

“Identifikimi dhe shpërndarja e tyre në territor ka një varësi nga sistemi zgjedhor që do të aplikohej, ndodhi që dështoi komisioni për reformën zgjedhore. Ne vërtetë s’i kemi deklaruar po ne sot kemi jo më pak së 320 kandidatë të identifikuar, procesi vazhdon ende, që para 31 marsit është marrë vendim që strukturat e partisë janë përzgjedhur përmes proceseve të brendshme do jenë pishina kryesore e kandidatëve dhe këto do pasurohen më tej me kandidatura të tjera nga degët e partisë. Do jetë një proces i përditshëm për identifikimin dhe seleksionimin e kandidaturave, nuk do jetë një datë e vetme. Prezantimi i kandidatëve do jetë kur kandidatët tanë të identifikohen, nuk ta jap dot një datë”, tha Alibeaj.

LEXONI GJITHASHTU:

• Basha prezanton sloganin e programit që do të shpalosë për zgjedhjet e ardhshme
• Basha: PD nuk do ta votojë rezolutën anti-korrupsion, dëmton SPAK