Nesër më datë 1 qershor, Partia Demokratike pritet të shpalosë programin e saj për fushatën zgjedhore të vitit të ardhshëm. Kryedemorkati Lulzim Basha ka zbuluar përmes një postimi në rrjete sociale se slogani i programit do të jetë “Shqipëria meriton më shumë”.

Nga postimi i kryedemokratit duket qartë simbolika kuqezi, duke dashur të përçojë mesazhin e një oferte gjithëpërfshirëse për të gjithë shqiptarët nga veriu në jug, duke vendosur qytetarët në qendër të ofertës së demokratëve.

Mësohet se disa nga fushat ku është i fokusuar programi i PD janë e ardhmja e rinisë, rritja e mirëqenies, lufta kundër korrupsionit, kundër varfërisë, emigracioni, arsimi etj.

Është hera e parë që ky program shpafqet para një publiku, shumë kohë përpara zgjedhjeve parlamentare, duke shënuar një qasje të re në parashtrimin e ofertës politike, sipas PD.

Synimi është që programi të kthehet në një arenë debati dhe diskutimesh transparente dhe gjithëpërfshirëse, përmes të cilës qytetarët do të njihen në mënyrë të drejtëpërdrejtë me ofertën e Partisë Demokratike.

LEXONI GJITHASHTU:

• Basha: Simboli famëkeq me 3 gishtat i përdorur nga Vuçiç, sinjal i keq për paqen
• Takimi i Ramës në Milano, Basha: Vota e diasporës detyrim kushtetues