Basha: Simboli famëkeq me 3 gishtat i përdorur nga Vuçiç, sinjal i keq për paqen

Kryetari i Partisë Demokratike, Lulzim Basha, ndërsa ka folur për procesin e sigurisë në rajon, në statusin e tij në Facebook, ka reaguar edhe për shfaqjen e presidentit të Serbisë me simbolin famëkeq të tre gishtave në Asamblenë e OKB-së, ku u votua rezoluta për gjenocidin në Srebrenicë.

Basha tha se Serbia synon ndarjen e Republikës Srpska, destabilizimin e Malit të Zi dhe Kosovës, sipas skenarit të dështuar të Banjskës.

Ai tha gjithashtu se Shqipëria duhet të luajë një rol proaktiv në rajon dhe të mos ngurrojë në mbështetjen e Kosovës.

“Shfaqja e presidentit Vuçiç me simbolin famëkeq të tre gishtave, të përdorur nga ata që shkaktuan krime e genocid në Ballkan, është një sinjal i keq për paqen dhe stabilitetin e rajonit tonë”, – shkruan kryetari i PD.

“Projektet e botës serbe të artikuluara nga Vuçiç dhe Dodik synojnë ndarjen e Republika Srpska, destabilizimin e Malit të Zi dhe Kosovës, skenar i cili nisi, por dështoi në veriun e Kosovës më 24 shtator 2023”, tha më tej Basha.

“Shqipëria duhet dhe do të luajë një rol më proaktiv në rajon dhe nuk do të ngurrojë në mbështetjen e saj ndaj Kosovës”, – shprehet Basha.

LEXONI GJITHASHTU:

• Basha: PD e vendosur në mbështetje të SPAK dhe BKH, të votohet nisma jonë
• Miratohet rezoluta për Srebrenicën, Basha: Vota pro i vendos emrin e duhur, gjenocid