Opozita nis protestat, të enjten para Parlamentit/ Berisha: Duam qeveri teknike

Të enjten opozita do të nisë protestat para Parlamentit. Përveç tubimeve që kanë qenë të vazhdueshme poshtë banesës së Berishës dhe para bashkisë së Tiranës, Rithemelimi i PD dhe Partia e Lirisë këtë të enjte do i thërrasin qytetarët para godinës së Parlamentit në një kohë që brenda në godinë do të zhvillohet seanca e radhës.

Këtë vendim e bëri me dije Sali Berisha në një deklaratë nga banesa e tij, ku theksoi se imazhi i Shqipërisë në këto momente është ulur ndjeshëm.

 “Shqipëria sot paraqitet para opinionit publik, evropian dhe botëror, si gazi i dheut, si shteti i mafias, drogës dhe krimit. Në dokumentarin e mbrëmshëm të RAI-3, emisioni më i ndjekur i të gjithë medieve italiane, në shkrimin e djeshëm të Bild për narkoshtetin shqiptar, Edi Rama, vëllai i tij Olsi, qeveritarët, leitnantët damkosen përfundimisht si bosët më të rrezikshëm të mafias në Europë”,-tha Sali Berisha.

Berisha tha se në protestë do të kërkohet drejtimi i vendit nga një qeveri teknike dhe zgjedhje të lira e të ndershme.

 “Ndaj dhe qytetarë dhe qytetare, ju bëj thirrje ditën e enjte në orën 11:00, të grumbullohemi para parlamentit të krimit për të protestuar dhe kërkuar dorëheqjen e menjëhershme të kreut të narkoshtetit shqiptar, Edi Rama. Kalimin në një qeveri teknike dhe natyrisht zgjedhje të lira dhe të ndershme”, -tha Sali Berisha, kreu i Rithemelimit.

LEXONI GJITHASHTU:

• Deputeti i PD: Berisha ndodhet në ‘arrest shtëpie’ pa procedurë dhe pa prova
• “Sali Berisha i arrestuar pa akuzë”, avokati: Ku gaboi mbrojtja e ish-kryeministrit