“Motivi i jetës time”, Alban Skënderaj koncert më 6 qershor, shiten 24 mijë bileta

“Motivi i jetës time” është koncerti madhështor që do të mbajë këngëtari i njohur Alban Skënderaj më 6 qershor.

Ky i fundit ka zgjedhur që këtë koncert recital ta mbajë në stadiumin “Air Albania”, në datën që përkon dhe me fillimin e karrierës së tij si artist.

Ne një konferencë për shtyp ditën e sotme ai zbuloi detaje të eventit duke thënë se deri më tani janë shitur mbi 24 mijë bileta, ndërsa theksoi se kërkesa ishte dhe më e lartë, por që stadiumi nuk kishte më kapacitet.

 “Ishte momenti për të bërë diçka të madhe sepse ishte kurorëzimi i kësaj pune për të krijuar një rrugëtim dhe eksperiencë. Koncerti do të jetë i bukur dhe shumë energjik, nuk do të jetë ai koncerti i stilit të një salle të vogël. Janë momentet kyçe njerëzore që unë flasë”, Alban Skënderaj.

Artisti tha se ndjehet i surprizuar pasi pjesë e këtij koncerti do të jenë dhe shqiptarët që jetojnë nëpër botë.

Ndërsa organizatorët që ishin pjesë e konferencës thanë se më 6 qershor do të ketë surpriza, edhe pse nuk i zbuluan këto të fundit.

Teksa foli për karrierën e tij, sfidat dhe motivet, këngëtari dha një mesazh për të rinjtë.

“Ka vend për gjëra të mira. Të rinjtë duhet ta mbajnë zjarrin ndezur”.

Artisti e përmbylli duke thënë se pjesë e eventit do të jetë dhe artisja e njohur njëkohësisht dhe partnerja e tij, Miriam Cani me të cilën do të këndojnë së bashku në këtë moment të rëndësishëm për ta.

LEXONI GJITHASHTU:

• Sulmi në sallën e koncerteve në Moskë, aktakuzë për terrorizëm ndaj 4 të arrestuarve
• Pamjet brenda masakrës në sallën e koncerteve në Moskë, si u vranë 140 persona