Dyshohet se vrau 31-vjeçarin në Dhërmi, gjendet në Sarandë makina e Gerald Shehut

Është gjetur në Sarandë makina me targa angleze e autorit të dyshuar të vrasjes së 31-vjeçarit Eraldo Novruzi në një hotel në Dhërmi.

Automjeti i autorit 43-vjeçar Gerald Shehu është tip ‘Audi’ me targë DX65YKR, i cili është gjetur në kodër tek një parkim pranë shkollës ‘9 Tetori’ tek rruga sa merr për në Port.

Shehu u arrestua në Korfuz pak minuta më parë, teksa po planifikonte që të largohej për në Angli, vend ku kishte dokumenta të rregullta qëndrimi.

Po ashtu mësohet se Shehu, i cili ishte edhe bashkëpronar i hotelit ku ndodhi ngjarja në Dhërmi, dyshohet se ishte njohur më herët me viktimën, gjatë qëndrimit në Angli.

Ndërkohë trupi i viktimës Eraldo Novruzi nuk është gjetur ende, pasi dyshohet të jetë fshehur nga autori, menjëherë pas sulmit.

LEXONI GJITHASHTU:

• Ekskluzive| Euronews siguron foton e autorit që dyshohet se vrau recepsionistin
• Me 3 automatik e pistoleta me vete, kapet i shumëkërkuari i dënuar për vrasje (Emri)