“Në Bruksel kris pushka si në Vlorën e ’97”, Xhunga: Pse po fiton ekstremi i djathtë

Në Bashkimin Evropian sot është dita e fundit e votimit të zgjedhjeve për Parlamentin Evropian, ku qytetarët zgjedhin 720 deputetë të rinj, të cilët do të formësojnë politikën e BE-së në pesë vitet e ardhshme.

Gazetari Albi Xhunga tha në një intervistë për Euronews Albania nga Brukseli se ekstremi i djathtë pritet të marrë pushtetin në shtetet kryesore pas zgjedhjeve për Parlamentin Evropiane.

Ky fuqizim i ekstremit të djathtë sipas tij, erdhi për shkak të politikave të gabuara të partive tradicionale që nuk po mund të kontrollojnë dot emigracionin.

“Nuk mund të mos presim nesër marrjen e pushtetit nga ekstremi i djathtë në shtetet kryesore. Si erdhi në pushtet ekstremi i djathtë? Erdhi nga dështimi i politikave të partive tradicionale që nuk po mund të kontrollojnë dot emigracionin që ushqen tezën e ekstremit të djathtë, që thotë Evpropa po islamizohet, kultura evropiane po zhduket. Në Bruksel emri më i përdorur është Muhamed, është realitet sot në Evropë.  Kjo ka bërë që Evropa bashkë me emigracionin të importojë edhe krim, në Bruksel kris pushka si në Vlorën e ’97 mes bandave. Janë politikat e gabuara evropiane që stimulojnë emigracionin e tanishëm. Qëllimi i të djathtës ekstreme është të dekurajohen emigrantët, madje flitet për rikthimin e kufijve që në vendin e origjinës”, tha gazetari.

LEXONI GJITHASHTU:

• Dita e fundit e zgjedhjeve evropiane, votojnë 21 vende të BE, zgjidhen 720 deputetë
• Partitë në Kosovë në mbështetje të partive simotra në zgjedhjet evropiane