Tony Blair vizitë në Kosovë, presidentja Osmani: Jeni hero i paqes, na shpëtuat

Presidentja e Kosovës, Vjosa Osmani, ka pritur në takim ish-kryeministrin e Mbretërisë së Bashkuar, Tony Blair.

Në një deklaratë para mediave Osmani tha se Toni Blair është hero i Kosovës pasi në vitin 99 së bashku me forcat e NATO-s kanë ndihmuar vendin të shpëtojë nga regjimi i Millosheviçit.

“Ju falënderoj që jeni me ne në 25 vjetorin e çlirimit të Kosovës në mënyrë që të shihni edhe ju mirënjohjen e qytetarëve tanë. Në vitin ’99 roli juaj si kryeministër britanik gjatë ndërhyrjes së NATO-s në Kosovë, ishte vendimtar.

Ju edhe sot jeni hero i paqes për vendimin e drejtë të asaj kohe dhe gjithë përkrahjen që i keni dhënë Kosovës gjatë 25 viteve. Bashkë me NATO-n ju na shpëtuat nga shfarosja”-tha presidentja Vjosa Osmani.