E djathta fiton në zgjedhjet kombëtare dhe të BE-së në Bullgari

Partia e qendrës së djathtë të Bullgarisë ka marrë shumicën e votave në zgjedhjet kombëtare dhe ato për Parlamentin Europian.

Partia fituese GERB, e udhëhequr nga ish-kryeministri Bojko Borisov, do të ketë nevojë për të paktën dy partnerë për të formuar një koalicion qeverisës.

Me 64% të votave të numëruara, të djathtët morën 23.7%, e ndjekur nga partia Lëvizja etnike turke për të drejta dhe liri, e cila doli papritur në vendin e dytë, me 15.9%.

Bullgarët votuan për Asamblenë Kombëtare për herë të gjashtë në tre vjet të dielën, së bashku me zgjedhjet parlamentare evropiane.

Të dyja votat u karakterizuan nga një numër i ulët i votuesve prej rreth 30%.

Rezultatet kanë prodhuar një parlament të fragmentuar, i cili ka të ngjarë të mos jetë në gjendje t’i japë fund një periudhe të gjatë trazirash politike. Shumë vëzhgues parashikojnë një tjetër zgjedhje të parakohshme parlamentare më vonë këtë vit.

LEXO GJITHASHTU:

• Shpërndau kabinetin, Macron: Populli francez do të bëjë zgjedhjen më të drejtë
• Gazetari nga Greqia: Beleri u zgjodh eurodeputet nga rritja e nacionalizmit