Gjinekologia Bylykbashi: Italiania 56-vjeçe u bë nënë me In-Vitro në Shqipëri

Gjinekologia Edlira Bylykbashi ishte këtë të martë në “Good Morning Albanians” për të folur rreth procedurën in vitro, e cila duket se po u mundëson grave të bëhen nëna edhe në moshë të madhe.

Ajo tha se në Shqipëri një rast ka qenë në moshën 56-vjeçare, por gruaja ka qenë italiane. Sipas saj shqiptarët preferojnë që procedura të tilla ti kryejnë para të 50-ave.

“Interesante është se herë pas here dëgjojmë ndonjë lajm të tillë, por shumë veta e dinë se gruaja më e madhe që ka lindur është një indiane që ka bërë binjakë në moshën 72 vjeçare dhe në Angli ka qenë një 66-vjeçare.

Por edhe në Shqipëri kemi pasur raste. Ka qenë një 56 vjeçare italiane që ka bërë fekondimin in vitro në Shqipëri. Shqiptarët në përgjithësi e zgjidhin më herët. Në raste kur një çift në Shqipëri shikon që ka probleme, këta zakonisht këto procedura i ndjekin në moshën 40-vjeçare”,-tha gjinekologia.

LEXONI GJITHASHTU:

• Gjinekologia: Shqiptarët përdorin më shumë pilulë urgjence sesa prezervativ
• Gjinekologia: Të miturat duhet ta marrin me recetë kontraceptivin e urgjencë