Humbën pranë malit të Jezercës, gjendet i pajetë një nga turistët bullgar

Një turist bullgar është gjetur i pajetë, pasi kishte humbur pranë malit të Jezercës.

Pas marrjes së njoftimit nga një tjetër turist bullgar, që kishte humbur kontaktet me të, nisën kërkimet nga toka dhe ajri me helikopterin e forcave të armatosura.

Por pas disa orësh kërkime, është gjetur trupi i pajetë i turistit bullgar.

Agjencia Kombëtare e Mbrojtjes Civile i bën thirrje turistëve që të tregojnë kujdes dhe të ndjekin udhëzimet e guidave të specializuara për zonat e pashkelura dhe të rrezikshme.

Agjencia Kombëtare e Mbrojtjes Civile:

Pas marrjes së njoftimit, të gjitha strukturat operacionale të Mbrojtjes Civile, në nivel vendor dhe qendror janë angazhuar menjëherë.

Helikopteri Cougar i Forcave të Armatosura është ngritur në ajër, duke marrë me vete ekipin mjekësor dhe ekipin e kërkim-shpëtimi malor. Kërkimet filluan nga ajri për të zbuluar ndonjë shenjë të personit të humbur. Në të njëjtën kohë, ekipi i kërkimit- shpëtimit malor u la në afërsi të vendit për të vazhduar kërkimet nga toka.

Përpjekjet intensive dhe koordinimi i i strukturave vazhduan për disa orë, derisa u arrit që të gjendet trupi i pajetë i personit në nevojë.

🚨⚠️Kujdes! Në zonat me rrezikshmëri të lartë, dhe ne shumë raste të pashkeluar, është e rëndësishme që turistët të jenë të kujdesshëm dhe të ndjekin udhëzimet e dhëna nga guidat e specializuara. Siguria e tyre dhe e të tjerëve varet nga respektimi i këtyre udhëzimeve dhe informacioneve të rëndësishme për këto aktivitete sportive.

LEXONI GJITHASHTU:

• Turistët harxhojnë 85 euro/ditë, sollën 788 mln euro në janar-mars
• Po hidhej me parashutë, lëndohet turisti zvicerian në Gjirokastër