I dënuar me 5 vite e 2 muaj për dhunë ndaj gruas, prangoset 38-vjeçari në Shkodër

Një 38-vjeçar në Shkodër ka rënë në prangat e Policisë, pasi ishte shpallur në kërkim për dhunë ndaj bashkëshortes së tij, e cila ishte e pajisur me urdhër-mbrojtje.

Përmes një njoftimi Policia bën të ditur se 38-vjeçari ishte dënuar me 5 vite e 2 muaj burg nga Gjykata e Shkallës së Parë në Shkodër për veprat penale “Dhuna në familje” dhe “Veprime në kundërshtim me vendimin e gjykatës”.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i Policisë:

DVP Shkodër/Vijon megaoperacioni “Sundimi i ligjit”, për kapjen e shtetasve të shpallur në kërkim.

I dënuar me 5 vjet e 2 muaj burgim, për veprat penale “Dhuna në familje” dhe “Veprime në kundërshtim me vendimin e gjykatës”, kapet dhe vihet në pranga 38-vjeçari.

Komisariati i Policisë Shkodër, si rezultat i kontrolleve të kryera në zbatim të masave të planit operacional “Sundimi i ligjit”, bazuar në informacionet e siguruara nga inteligjenca policore, lokalizoi, kapi dhe ndaloi shtetasin Belirjan Kapera, 38 vjeç, banues në Shkodër, të cilin Gjykata e Shkallës së Parë e Juridiksionit të Përgjithshëm Shkodër e ka dënuar me 5 vjet e 2 muaj burgim, për veprat penale “Dhuna në familje” dhe “Veprime në kundërshtim me vendimin e gjykatës”, pasi ka ushtruar dhunë ndaj bashkëshortes së tij, e cila ka qenë e pajisur më urdhër mbrojtjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• U shpall fajtor, me çfarë dënimi mund të përballet Donald Trump
• Super-komisioni, Bylykbashi: Dënim me vdekje për opozitën nëse bëhemi palë me Ramën