“A e njeh Alberton që të solli palmat?”- Meta zbulon pyetjet që iu bënë në SPAK

Kreu i Partisë së Lirisë, Ilir Meta tha se këtë të enjte është pyetur në SPAK nëse e njeh Alberto Arancinin, i cili 10 vite më parë sipas përgjimeve i kishte dhuruar palma në Gjirin e Lalzit.

Sipas Metës kjo pyetje nga hetuesit e SPAK është një turp i madh, pasi Arancini sipas tij është personi i cili bëri dekorin për festën e ditëlindjes së tij dhe të nesërmen dekorin e ka marrë sërish me vete.

“SPAK-u është aleati më i bindur i Edi Ramës. Altin Dumani është një provokator i lindur i cili mendon se mund të marrë peng opozitën duke burgosur Sali Berishën dhe duke thirrur Ilir Metën për çështje banale. Se ky nuk merret dot me portin e Durrësit apo inceneratorin.

Qëndrimi im është shumë i qartë. Seanca e sotme ishte një turp i vërtet. Të pyesësh Ilir Metën, a e njeh Alberto Arancini. Se nga përgjimet del që para 10 vitesh ky të ka bërë dhuratë palma, Alberto i luleve mo i thashë? Po shkoni shikojeni se solli 10 palma për dekorin dhe i mori prap ditën tjetër”,-tha Ilir Meta.

LEXONI GJITHASHTU:

• “SPAK kontrollohet nga Rama”, Meta: Pse u thirra në Prokurorinë e Posaçme
• Meta del pas 3 orësh nga SPAK: U pyeta për gjëra që nuk kanë lidhje me mua