“Kishte komplot kundër PD”, deputeti demokrat: Prapaskenat për vulën

Deputeti i Partisë Demokratike, Tritan Shehu tha në një intervistë për Euronews Albania se flamuri i PD është zyrtarizuar aty ku e kishte vendin, në selinë e kësaj partie.

Sipas tij kishte një komplot për të nxjerrë jashtë ligjit PD, nga partia në pushtet dhe disa “paterica” të saj.

“Ishte një kalvar jo i shkurtër përpjekjesh për rrëmbimin e flamurit, tendencë për ta nxjerrë jashtë ligjit. Ka qenë një komplot për ta nxjerrë jashtë ligjit PD, i organizuar nga regjimi me disa instrumente të sistemet të drejtësisë dhe disa patericave të tyre. PD nuk ka pasur përçarje se PD nuk janë disa individë, por është anëtarësia dhe baza, që kanë qenë gjithmonë të bashkuar duke iu kundërvënë komplotit të regjimit për të përçarë PD. Rëndësi ka baza, militanët që kanë qenë krejtësisht të bashkuar për t’iu kundërvënë regjimit”, tha Shehu.

LEXONI GJITHASHTU:

• “Demokrat nuk të bën vula” – Basha zbulon vendimin pas mbledhjes
• Momenti kur Apeli vendos që vula e PD-së t’i kalojë Berishës, Rithemelimi në festë