Gjirokastër, përfshihet nga flakët kullota në fshatin Erind rrezikohen ullishtat

Një zjarr i rënë mesditën e sotme në një kullotë në zonën e Erindit, Gjirokastër ka rrezikuar të dëmtojë sipërfaqe të konsiderueshme me ullinj.

Flakët e zjarrit janë shfaqur rreth orës 11.20 në fushën në hyrje të fshatit Erind. Pas njoftimit në vendngjarje mbërriti Shërbimi Zjarrfikës.

Në vendin e quajtur Çorogolicë digjej një parcelë me bar dhe rrezikoheshin sipërfaqe të konsiderueshme të mbjella me ullinj. Menjeherë u ndërhy nga zjarrfikësit, banorët e zonës dhe strukturat e Bashkisë Gjirokastër duke bërë izolimin e zjarrit deri në fikjen e plotë të tij. Ndërhyrja e bërë nuk lejoi që zjarri të përhapej tek parcelat me ullinj duke evituar dëmtimin e tyre.

Në nisje të stinës së verës në Gjirokastër janë regjistruar disa zjarre problematikë në kullota. Shërbimi Zjarrfikës apelon për parandalimin e zjarreve të verës dhe evitimin e dëmeve të tyre.

LEXONI GJITHASHTU:

• Zjarri në Shkodër, helikopteri i ushtrisë në ndihmë të forcave zjarrfikëse
• Zjarri masiv në Shkodër, kërkohet ndihmë nga emergjencat civile, evakuohen banorët