Abuzimi i 12-vjeçares hebreje, Macroni-shkollave: Adresoni çështjet e antisemitizmit

Presidenti i Francës, Emmanuel Macron, u ka kërkuar të mërkurën shkollave të mbajnë “një orë diskutimit” për racizmin dhe antisemitizmin këtë javë, pas përdhunimit të një vajze hebraike në Paris.

Tre adoleshentë u arrestuan këtë javë pas një ankese nga një vajzë 12-vjeçare nga Courbevoie, në perëndim të Parisit, e cila u tha zyrtarëve policorë se ishte përdhunuar në grup dhe ishte fyer me fjalë përçmuese antisemitike, tha Zyra e prokurorit në Nanterre.

Hetimi është i përqendruar rreth akuzave për përdhunim, kërcënimeve me vdekje dhe sulmit.

Incidentet antisemitike në Francë janë rritur prej se Hamasi – grupi i shpallur terrorist nga Shtetet e Bashkuara dhe Bashkimi Evropian – kreu një sulm në jug të Izraelit më 7 tetor, i cili e nxiti luftën e Izraelit në Gazë si pasojë.

Macroni reagoi shpejt, në një kohë kur Franca e gjen veten në një fushatë zgjedhore trijavore, pasi ai shalli zgjedhje të parakohshme parlamentare.

Presidenti i kërkoi ministres së Arsimit, Nicole Belloubet “ta organizojë një diskutim në të gjitha shkollat për luftën kundër antisemitizmit dhe racizmit, për ta parandaluar gjuhën e urrejtjes”, tha Zyra e Macronit.

Kundërshtarët i kanë akuzuar Lëvizjen Nacionale dhe partinë e ekstremit të majtë Franca e Papërkulur, pjesë të Frontit Popullor, se i kanë toleruar qëndrimet antisemitike në radhët e veta.

Këto akuza mohohen nga të dyja partitë.

Lideri i Lëvizjes Nacionale, Jordan Bardella, tha të mërkurën se Franca duhet patjetër ta luftojë “atmosferën antisemitike”, e cila është e pranishme në vend prej se filloi lufta në Gazë.

LEXONI GJITHASHTU:

• Sondazhet në Francë: Aleatët e Macron frikë nga pasojat e zgjedhjeve të parakohshme
• “S’dua t’ia lë vendin të djathtës ekstreme”, Macron: Të bashkohemi, t’i mposhtim