“Boll me hipokrizi”, gazetari: Pse të jemi i kujdesshëm me kritikat për Kombëtaren

Gazetari Flavio Qarri ishte këtë të mërkurë i ftuar në “Now me Erla Mëhillin” ku tha se është hipokrizi të duash të tregohesh i kujdesshëm me kritikat ndaj ekipit kombëtar.

Ai tha se ekipi kombëtar i përket të gjithë shqiptarëve dhe jo Silvinjos dhe se askush nuk do të ketë mllef për ekipin apo për një person të ekipit, siç ishte rasti i Elseid Hysajt, i cili “u kryqëzua” në rrjet pas ndeshjes së Shqipërisë me Italinë, për shkak se nuk arriti të shmangte golin e dytë të të kaltërve.

“Unë kam një problem me këtë gjysmë hipokrizinë që na imponohet që të jemi të kujdesshëm në kritika. Tani një sekondë. Ne Kombëtaren e kemi të gjithë bashkë, nuk është më shumë e Silvinjos apo e lojtarëve që kanë djersën dhe gjakun e tyre , sa ç’është edhe e jonë.

Ndaj kushdo që kritikon, nuk është se ka njeri të ketë qejf të ketë vrerë apo mllef me ekipin e vetë kombëtar apo me një pjesëtar të ekipit”,-tha Flavio Qarri.

LEXONI GJITHASHTU:

• “Ishte super ndeshje”, Lorik Cana: Hajdeni me këmbë në tokë, gabimet e Silvinjos…
• “E kam ëndërruar gjithë jetës”, Flet babai i golashënuesit Qazim Laçi