Putin paralajmëron Korenë e Jugut: Do bëni gabim nëse furnizoni Ukrainën me armë

Presidenti i Rusisë, Vladimir Putin ka paralajmëruar se Koreja e Jugut do të bënte një “gabim të madh” nëse vendos të furnizojë Ukrainën me armë.

Sipas mediave të huaja, komentet e presidentit rus vijnë pasi Koreja e Jugut tha se një marrëveshje e re e mbrojtjes midis Koresë së Veriut dhe Moskës ishte “absurde” dhe do të bënte që ata të rishqyrtonin dërgimin e armëve në Kiev.

Putin tha se Seuli nuk kishte asgjë për t’u shqetësuar kur ishte fjala për paktin e mbrojtjes reciproke mes Rusisë dhe Koresë së Veriut.

Media shtetërore ruse e citoi Putinin të thoshte se Moska priste që bashkëpunimi i saj me Korenë e Veriut të shërbente si një pengesë për Perëndimin.

Ai gjithashtu refuzoi të përjashtonte mundësinë për furnizimin me armë të precizionit të lartë në vend.

LEXONI GJITHASHTU:

• Putin nënshkruan dhjetëra marrëveshje me Vietnamin
• Putin dhe Kim shkëmbejnë dhurata luksoze, mes tyre një limuzinë