“Tifozët kanë gjithnjë të drejtë”, Alliu: Pse ka disa probleme me trajnerin Sylvinio

Ish-futbollisti Ilir Alliu tha në emisionin Review në Euronews Albania se trajneri i Kombëtares, Silvinjo në konferencën për shtyp nuk tha se çfarë objektivi ka për ndeshjen me Spanjës, ashtu siç nuk e bëri edhe për ndeshjen me Kroacinë.

Sipas tij, gjuha populiste e përdorur prej tij bëhet për të shmangur përgjegjësitë edhe përballë një ekipi shumë më të fortë se ne siç është Spanja.

“Të luajmë e kemi detyrim se të dënon UEFA, gjuha populiste përdoret për të shmangur përgjegjësitë.

Pasiguritë, e di gjithë Shqipëria, edhe tifozi më i thjeshtë e di që kemi diferenca shumë të mëdha, cilësore tekniko-taktike me Spanjën. Por Silvinjo duhet të thotë që edhe pse Spanja është shumë mirë, që ne arrijmë të konsolidojmë këto objektiva që kemi, se ne kemi ca objektiva, kemi ekip futbolli, duhet të konsolidojmë cilësinë e ekipit”, tha ai.