Kuqezinjtë marshojnë në Dyseldorf, pankarta ngacmuese ndaj Spanjës:Pilaf me grosh…

Vetëm pak orë na ndajnë nga ndeshja që do të vendosë vazhdimin e garës për Shqipërinë në Euro2024 dhe Dyseldorfi është veshur kuqezi.

Mbi 30 mijë tifozë kuqezi do të jenë të pranishëm në tribunat e impiantit të Dyseldorfi, ndërsa rrugët e qytetit janë pushtuar po ashtu nga tifozët e Kombëtares.

Tifozët kanë nisur marshimin drejt stadiumit të Merkur Spiel-Arena.

Dhe një herë tjetër tifozët kuqezi janë bënë viral në rrjetet sociale për pankartat humoristike që u drejtohen kundërshtarëve “Pilaf me grosh> Pella”.

Më herët në ndeshjen Shqipëri- Itali përsëri tifozët kuqezinj u bënë viral në rrjet për shkak të një video ku thyenin makaronat përball tifozëve italianë.

Në këtë Euro2024 tifozët Shqiptarë pushtuan rrjetin për numrin e madh dhe marrëdhëniet e mira që patën me tifozët kundërshtarë.

Ndeshja Shqipëri- Spanjë është ndeshja e fundit e grupit B për kombëtaren në fazën e parë.

Gjithashtu në orën 21.00 do të luhet dhe ndeshja Itali- Kroaci. Të dyja ndeshjet janë vendimtare për kualifikimin e4 skuadrës së dytë në Kampionatin Europian, pasi Spanja e ka kaluar tashmë grupin.

LEXO GJITHASHTU:

• Euro2024| Silvinjo analizon Spanjën: Futemi në fushë për fitore
• I shënoi gol Spanjës në 1993, Sokol Kushta: Ja çfarë gabimesh nuk duhet të bëjmë sot