‘Onkologjiku’| Lëvizjet e mjekut brenda gjykatës, si ja futi vrapit sa pa gazetarët

Mjeku Edmond Gashi, doktori i klinikës private në të cilën drejtoheshin pacientët e sëmurë me tumor, pasi mjekët e onkologjikut nuk u ofron shërbim, është larguar me vrap pas përfundimit të seancës së mbajtur ditën e sotme.

Në emisionin “Now me Erla Mëhillin” në Euronews Albania janë publikuar pamjet e largimit të tij pas përfundimit të seancës, duke shfrytëzuar derën e administratës pasi hapet me kartë aksesi nga një punonjëse.

Gashi nuk pranoi të fliste për mediat kur hyri në gjykatë por tha se ka bërë vetëm punën e tij. Ndërsa largimi i tij me vrap u bë për të shmangur përpalljen me mediat.

Ai u largua nga ana tjetër e pasme e gjykatës, aty ku kalojnë vetëm gjyqtarët e prokurorët.

“Me përfundimin e seancës gjyqësore, pasi gjyqtarja ka lënë sallën e gjyqit, po kështu me radhë pas saj edhe prokurori, avokatët, si dhe vetë personat nën hetim, shtetasi E. G., teksa ka qenë në korridorin e katit të parë të gjykatës, duke përfituar nga një moment i vetëm në të cilin një punonjëse e gjykatës ka qënë duke dalë në rrethana krejtësisht rastësore nga dera e cila shërben për hyrjet dhe daljet e autorizuara vetëm të gjyqtarëve dhe punonjësve të gjykatës (me karta të posaçme), ka dalë i shoqëruar edhe nga një shtetas tjetër, duke u larguar me vrap, i pa shoqëruar nga asnjë punonjës i policisë së shtetit”,-deklaron gjykata.

LEXONI GJITHASHTU:

• “Mbyllën sytë, por disa kanë vdekur”, gazetari: Pse nuk paditi KLSH për Onkologjikun
• “Onkologjiku, abuzim”, Koçiu: Abuzuesit dhe joprofesionistët do ndëshkohen