Strukturë e posaçme që do merret me krimet zgjedhore, Ferhati zbulon lëvizjen e SPAK

Gazetari Eni Ferhati tha në emisionin Review në Euronews Albania se me kodin e ri zgjedhor ka ndryshuar situata dhe kemi një qasje tjetër të organeve të drejtësisë lidhur me një fenomen që ka qenë publikisht i njohur dhe normalitet në vendin tonë, siç janë legalizimet elektorale.

Ai e cilësoi një dritë jeshile dosjen që po heton ish-punonjës të kadastrës, dosje për të cilën u thirr në SPAK edhe ish-kreu i këtij institucioni Artan Lame.

Ndërsa jemi në prag të zgjedhjeve të përgjithshme, gazetari Ferhati zbuloi se brenda SPAK do të ngrihet një strukturë e posaçme me prokurorë të BKH që do të merren vetëm me hetimin e krimeve zgjedhore.

“Kjo është një nga ato dosje që të jep shpresë. Edhe ngritja e një ministrukturë që vitin tjetër do të jetë 24 orë në 24 gjatë fushatës dhe pas zgjedhjeve. Do jetë një mini task force, kjo nuk është ende zyrtare se nuk është vendosur ende, do jenë disa agjentë të BKH dhe prokurorë të tjerë që nuk do të merret me dosje të tjera por vetëm me krimet zgjedhore dhe të hetohet blerja e votës. Këta duhet të kenë lëndën e parë, mbetet për t’u parë se çfarë rezultatesh do të ketë kjo minitask forcë”, tha ai.

LEXONI GJITHASHTU:

• EKSKLUZIVE| Përgjimet që çuan në SPAK Artan Lamen
• “Më duhen 600 vota ose…”/ Zbardhen përgjimet që çuan në SPAK Artan Lamen