“Më duhen 600 vota ose…”/ Zbardhen përgjimet që çuan në SPAK Artan Lamen

Euronews Albania ka siguruar dosjen dhe përgjimet për të cilën u pyet në SPAK pak ditë më parë Artan Lame.

Emri i ish-kreut të ALUIZNI-t dhe Kadastrës del në përgjimet e bisedave të vartësve për blerjen e votave në vitin 2019, në këmbim të legalizimit të banesave të ndërtuara pa leje.

Në dosjen voluminoze të siguruar nga Euronews Albania ku janë qindra orë përgjime përmendet edhe emri i Lames nga ish -artësi i tij Dritan Stoka i arrestuar në prill të këtij viti.

Në një nga episodet e përgjimeve ai dëgjohet teksa thotë kryeplakut të lagjes së re në Sauk, Agim Osma: “O Gim un du nga ty 600 vota, bëj ca të duash, vrit veten… o nuk votuat thuaj, mua më heqin nga puna thuaj, bëja fakt të krym”.

Gazetari Eni Ferhati tha në emisionin Review në Euronews Albania se me kodin e ri zgjedhor ka ndryshuar situata dhe kemi një qasje tjetër të organeve të drejtësisë lidhur me një fenomen që ka qenë publikisht i njohur dhe normalitet në vendin tonë.

LEXONI GJITHASHTU:

• EKSKLUZIVE| Përgjimet që çuan në SPAK Artan Lamen
• Digjitalizimi i kadastrave, të moshuarit në Berat hasin vështirësi me aplikimin