EMRI| Lëvizte me kallashnikov me vete, arrestohet 29-vjeçari në Sarandë

Një 29-vjeçar, i identifikuar si Marius Haxhi, ka rënë në prangat e policisë së  Sarandës pasi u ndalu në flagrancë duke lëvizur i armatosur.

I riu u ndalua nga efektivët e policisë, në aksin Sarandë-Delvinë, në afërsi të fshatit Bajkaj duke lëvizur me një armë automatike me vete.

Shërbimet e Policisë sekuestruan në cilësinë e provës materiale armën e zjarrit kallashnikov.

Ndërkohë që materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

“Shërbimet e Komisariatit të Policisë Sarandë, në zbatim të masave të përcaktuara në planin operacional mbarëkombëtar “Sundimi i ligjit”, për parandalimin dhe goditjen e veprimtarisë kriminale në fushën e mbajtjes pa leje të armëve, kanë organizuar dhe finalizuar operacionin policor të koduar “Strike 16”.

Si rezultat i operacionit, u vu në pranga shtetasi M. H., 29 vjeç, banues në Delvinë, pasi u kap në flagrancë me armë zjarri me vete, në aksin rrugor Delvinë-Sarandë, në afërsi të fshatit Bajkaj”, njofton policia.

LEXONI GJITHASHTU:

• Goditi anëtarin e Këshillit Bashkiak në Elbasan, procedohet penalisht 68-vjeçari
• EMRAT| Dogjën automjetin e policit në Lezhë, arrestohen 2 autorët! Zbardhet shkaku