Asgjësohen mbi 15 mijë bimë kanabis në Vaun e Dejës, në kërkim autorët

Mbi 15 mijë bimë kanabis janë asgjësuar në disa zona të Vaut të Dejës në kuadër të operacionit të koduar “Territor i pastër”.

Policia bëri me dije se kontrollet nga ajri u kryen në zona me terren shumë të vështirë, me mbështetjen e helikopterit të Forcave Ajrore të Ministrisë së Mbrojtjes.

Bimët narkotike u gjetën nga kontrollet intensive të territorit në njësitë administrative Shllak dhe Temal.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.

LEXONI GJITHASHTU:

• GJKKO jep vendimin për 2 grupe kriminale, mbështeteshin nga policë për kanabisin
• Asgjësohen 6032 bimë dhe fidanë kanabis në Shkodër