“Jetoj në fshat, nuk e kam nga uji” – Flasin pacientët e helmuar në Bulqizë

Rreth 100 persona janë paraqitur në spitalin e Bulqizës me simptoma të helmimit që nga mbrëmja e së shtunës.

Shefi i shërbimit spitalor të Bulqizës Shahin Kaja tha në një intervistë për Euronews Albania se shkaku i helmimit masiv ende nuk është zbardhur, ndërsa theksoi se mundësia e hetimit nga uji duhet hetuar pasi raste të helmimeve ka pasur edhe në fshatrat përreth që kanë ujësjellës të ndryshëm nga ai i qytetit.

Gazetarja Sara Demushi pyeti disa nga pacientët që kanë vijuar të paraqiten në spitalin e Bulqizës për të marrë ndihmën e parë, të cilët kanë treguar se simptomat kanë qenë tipike të intoksikimi, me marrje mendsh, të vjella e diarre.

Një nga pacientet ka treguar se ajo jeton ën fshat dhe nuk ka konsumuar ujë nga ujësjellësi që furnizon qytetin ndaj e përjashton mundësinë  e helmimit nga uji, siç dyshohet deri tani.

LEXONI GJITHASHTU:

• Misteri i helmimit masiv në Bulqizë, mjeku: Ushqimi përjashtohet, çfarë dyshohet
• Detaje nga helmimi masiv në Bulqizë: Dyshohet se uji i pijshëm kishte fekale