Bayerni zyrtarizon sulmuesin Olise, në pritje të nënshkrimit me Palhinha

Bayern ii Mynihut duket tepër aktiv në merkaton e transferimeve, ndërsa ka afruar një tjetër futbollist, duke zyrtarizuar sulmuesin Michael Olise. Francezi u prezantua të dielën, ndërsa pritet të jetë një forcë e shtuar në repartin ofensiv, me Vincent Kompany që duket se ka dorë të lirë në blerjet dhe largimet nga rekordmenët e Gjermanisë. 22-vjecari kushtoi plot 60 milionë euro, para të cilat kaluan në arkat e Crystal Palace, aty ku ai po zhvillonte një sezon tejet pozitiv.

Francezi ka nënshkruar për 5 sezone në Gjermani, ndërsa kujtojmë që për të shfaqën interes dhe Neëcastle e Chelsea, por duket se tundimi nga Bayern ka qenë më i madh për lojtarin. Ai bëhet i pari i ardhur nga kampionati anglez në epokën Kompany që ende nuk ka nisur zyrtarisht, teksa sic tanimë dihet është pranë nënshkrimit edhe me Joao Palhinha, 28-vjecarin e Fulham. Belgu duket se është i përqëndruar vetëm në repartin ofensiv, ndërsa nuk ka asgjë të re në lidhje me Mathijs de Ligt, me holandezin që me gjasa largohet pas Euro 2024. Destinacioni i tij do të jetë Manchester United, aty ku ribashkohet me teknikun Ten Hag, që pritet të shkojë numrin e tulipanëve në ekip.

LEXO GJITHASHTU:

• “Bayraktarët e Kosovës po na vëzhgojnë”- Vuçiç merr pjesë në stërvitjen ushtarake
• Heidenheim “shuplakë” Bayernit/ Leverkusen shkëputet me 16 pikë