Sherr masiv mes të rinjve dhe efektivëve, polici qëllon me shkop gome qytetarin

Një përleshje masive ka ndodhur mes efektivëve të policisë dhe një grupi të rinjsh në qytetin e Vlorës. Ngjarja ka ndodhur pak pas mesnate në zonën e Lungomares në qytetin bregdetar.

Sipas informacioneve paraprake bëhet me dije se janë shoqëruar në polici disa persona.

Dyshohet që konflikti të ketë nisur për sekuestrimin e disa monopatinave. Fillimisht ishte një prej të rinjve që qëllon me skafandër një prej efektivëve duke e rrëzuar përtokë. Më pas personat janë neutralizuar nga efektivët e shumtë që kanë shkuar në ndihmë të kolegëve.

Madje nga pamjet shihet një punonjës policie që qëllon me shkop gome një prej të rinjve të ndaluar.