Gazetari: Deputetët e mazhorancës dhe opozitës bashkëpunuan dje kundër Dumanit

Gazetari, Lavdrim Lita, i ftuar në Euronews Albania, i ka cilësuar pyetjet e deputetëve ndaj kreut të SPAK si një “shantazh publik” ndaj Dumanit.

“E vërteta është që partia Socialiste e nxorri në pritë Altin Dumanin, pasi shtirja dhe nënqeshja që deputetët e mazhorancës bënin , kur deputetët e Berishës pyesnin me një lloj agresivitetit të paparë , me një sjellje antiparlamentare, ata e toleronin dhe i nxisnin ata të bënin një lloj shantazhi publik.” –u shpreh Lita.

Sipas tij, kërkesat e deputetëve për të ditur rreth procedurave apo edhe arrestimet me burg për personazhe të njohur të poltikës ishin një tetaër politik, sepse janë çështje që nuk janë nën tagrin e kryeprokurorit Dumani.

“Kishte dhe një bashkëpunim që ishte bërë enkas si një ‘pusi’ për t’ja ulur figurën Altin Dumanit, që mendoj se nukme arritën sepse prestigji i Altin Dumanit është ku e ku me integritetin e deputetëve të parlamentit.”-vazhdoi më tej ai.

LEXONI GJITHASHTU:

• Gazetari Lita: Kush i hap qelinë Dritan Dajtit, ta bëjë gati të futet vetë
• Dosjet e nxehta mbi tavolinën e Altin Dumanit: Kush ka tentuar të fshehë gjurmët