Kanosi me sëpatë gruan e tij, parandalohet krimi në Memaliaj! Arrestohet 61-vjeçari

Një ngjarje e mundshme e krimit në familje është parandaluar ditën e sotme në Memaliaj, falë ndërhyrjes së Policisë.

Përmes një njoftimi Policia bën të ditur se një një 61 vjeçar është arrestuar në flagrancë, pasi kanosi me sëpatë bashkëshorten e tij.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Njoftimi i Policisë:

Memaliaj/Ndërhyrja në kohë e Policisë parandalon një ngjarje të mundshme kriminale në një familje.

Kanosi me mjet prerës (sëpatë), bashkëshorten e tij, arrestohet në flagrancë 61-vjeçari.

Sekuestrohet mjeti prerës (sëpatë).

Shërbimet e Stacionit të Policisë Memaliaj, pas marrjes së njoftimit se një shtetase ishte kanosur për jetën, me mjet prerës, nga bashkëshorti i saj, kanë organizuar punën për parandalimin e ngjarjes së mundshme kriminale dhe arrestimin e shtetasit përgjegjës.

Si rezultat i veprimeve të shpejta policore, u kap në flagrancë dhe u vu në pranga shtetasi H. B., 61 vjeç, banues në fshatin Zhapokikë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Adoleshentët në Tiranë kanosin punonjësit e policisë, arrestohen
• Babai kanos me thikë vajzën adoleshente, arrestohet nga policia